3.7.1 Konsolidert rekneskap
Konsolidert årsrekneskap er regulert i kapittel 10 i forskrift om økonomiplan, årsbudsjett, årsregnskap og årsmelding for kommuner og fylkeskommuner. Den konsoliderte årsrekneskapen skal visa kommunen som éi økonomisk eining. Årsrekneskapane til einingane som skal inngå i konsolideringa, blir slått saman. Transaksjonar og mellomverande mellom einingane skal eliminerast, men berre så langt det følger av god kommunal rekneskapsskikk. Årsrekneskapen til kommunale føretak som fører rekneskap etter rekneskapslova, skal omarbeidast før konsolideringa, så langt det er nødvendig etter god kommunal rekneskapsskikk.
Føresegner om årsavslutning i kapittel 4 i forskrifta, knytte til strykingar av meir-/mindreforbruk i drift og udekt/udisponert i investering, gjeld ikkje for den konsoliderte rekneskapen. Det blei ikkje utarbeidd konsolidert rekneskap saman med opningsbalansen for nye Stavanger kommune. Det finst av den grunn ikkje tal per 1. januar 2020.
Følgande einingar inngår i konsolidert rekneskap:
- Stavanger kommune
- Stavanger boligbygg KF
- Stavanger byggdrift KF
- Stavanger Natur- og idrettsservice KF
- Stavanger Parkeringsselskap KF
- Stavanger utvikling KF
- Sølvberget KF
Kommunestyret vedtok den 14. desember 2020 i sak 114/20 at Stavanger byggdrift KF, Stavanger Natur- og idrettsservice KF og Sølvberget KF skal tilbakeførast til basisorganisasjonen. Det blei vidare vedteke at Stavanger bustadbygg KF skal tilbakeførast til basisorganisasjonen, unnateke dei meir forretningsmessige oppgåvene i føretaket som skal overførast til Stavanger utvikling KF. Dette vil innebera at verksemda til dei nemnde føretaka vil inngå i årsrekneskapen for kommunekassen med verknad frå 2021.
Tabell 3.33, 3.34 og 3.35 viser hovudpostar i Økonomisk oversikt drift, Løyvingsoversikt investering og Økonomisk oversikt balanse i høvesvis årsrekneskap for kommunekassen og konsolidert rekneskap.
Økonomisk oversikt drift | Rekneskap 2020 - Kommunekasse | Rekneskap 2020 - Konsolidert | Konsoliderte transaksjonar |
---|---|---|---|
Driftsinntekter | - 11 763 047 | - 12 124 711 | - 361 664 |
Driftsutgifter | 11 684 769 | 12 015 675 | 330 906 |
Brutto driftsresultat | - 78 278 | - 109 036 | - 30 758 |
Eksterne finanstransaksjonar | 160 593 | 203 590 | 42 997 |
Motpost avskrivingar | - 530 203 | - 586 005 | - 55 802 |
Netto driftsresultat | - 447 888 | - 491 451 | - 43 563 |
Overført til investeringsrekneskapen | 252 298 | 270 831 | 18 533 |
Netto avsetningar, fond | 195 590 | 220 620 | 25 030 |
Framført til inndekning i seinare år (meirforbruk) | - | - | - |
Løyvingsoversikt investering | Rekneskap 2020 - Kommunekasse | Rekneskap 2020 - Konsolidert | Konsoliderte transaksjonar |
---|---|---|---|
Sum investeringsutgifter | 1 109 666 | 1 155 734 | 46 068 |
Sum investeringsinntekter | - 897 513 | - 915 599 | - 18 086 |
Netto utgifter vidareutlån | 0 | 0 | 0 |
Overføring frå drift | 252 298 | 270 831 | 18 533 |
Netto avsetningar til eller bruk av bundne investeringsfond | 2 708 | 2 708 | 0 |
Netto avsetningar til eller bruk av ubunde investeringsfond | - 42 852 | - 19 339 | 23 513 |
Dekning av tidlegare års udekt utgjorde | 0 | - 14 064 | - 14 064 |
Sum overføring frå drift og netto avsetningar | 212 153 | 240 136 | 27 983 |
Framført til inndekning i seinare år (udekt utgjorde) | - | - | - |
Økonomisk oversikt balanse | Rekneskap 2020 - Kommunekasse | Rekneskap 2020 - Konsolidert | Konsoliderte transaksjonar |
---|---|---|---|
Anleggsmidlar | 31 531 232 | 34 116 308 | 2 585 076 |
Omløpsmidler | 3 837 973 | 4 162 797 | 324 824 |
Sum eigedelar | 35 369 205 | 38 279 105 | 2 909 900 |
Eigenkapital | 12 361 456 | 14 300 780 | 1 939 324 |
Langsiktig gjeld | 21 217 277 | 22 108 805 | 891 528 |
Kortsiktig gjeld | 1 790 472 | 1 869 520 | 79 048 |
Sum eigenkapital og gjeld | 35 369 205 | 38 279 105 | 2 909 900 |
3.7.2 Økonomiske mål
Krav til utarbeiding av konsolidert årsrekneskap tredde i kraft frå og med rekneskapsåret 2020. Kommunestyret har ikkje fastsett finansielle måltal for Stavanger kommune som juridisk eining. Finansielle nøkkeltal vil likevel kunna bidra til å belysa den økonomiske situasjonen per 31. desember 2020. Sjå kapittel 3.1. og 3.5. for ei omgrepsforklaring knytt til ulike finansielle måltal.
Figur 3.14 viser netto driftsresultat i prosent av driftsinntektene for kommunekassen og Stavanger kommune som juridisk eining. Netto driftsresultat blir auka med kr 43,6 mill. i konsolidert rekneskap 2020, noko som utgjer ein auke på 0,3 prosentpoeng.
I konsolidert rekneskap er investeringsutgiftene på kr 1 156 mill. Investeringsutgiftene er i større grad enn for kommunekassen finansiert med bruk av lån, slik at eigenfinansieringsgrada er 55 prosent og dermed noko lågare. Investeringsnivået er 10 prosent av driftsinntektene.
I konsolidert rekneskap er auken i driftsinntektene større enn for langsiktig lånegjeld, samanlikna med rekneskapen for kommunekassen. Dette inneber ein reduksjon i gjeldsgrada for Stavanger kommune som juridisk eining. Gjeldsgrada med og utan startlån er på høvesvis 82 prosent og 63 prosent. Tabell 3.34 viser tilsvarande at eigenkapitalprosenten er høgare i konsolidert rekneskap. Tabellen viser òg at likviditeten per 31. desember 2020 blir styrkt i konsolidert rekneskap.
Likviditetsgrad | Rekneskap for kommunekassen per 31.12.2020 | Konsolidert rekneskap per 31.12.2020 |
---|---|---|
Likviditetsgrad 1 | 2,14 | 2,23 |
Likviditetsgrad 2 | 1,47 | 1,54 |
Arbeidskapital | 2 047 501 | 2 293 277 |
Eigenkapitalprosent | 34,9 % | 37,4 % |